sont

Et sont par rancs en eguale distance esparses au tour du tige en rotondité par nombre en chascun ordre ou de cinq, ou de sept.

Et comme en plusieurs plantes sont deux sexes: masle, & femelle: ce que voyons es Lauriers, Palmes, Chesnes, Heouses, Asphodèle, Mandragore, Fougère, Agarie, Aristolochie, Cyprès, Terebinthe, Pouliot, Paeone, & aultres: aussi en ceste herbe y a masle, qui ne porte fleur aulcune, mais abonde en semence: & femelle, qui foisonne en petites fleurs, blanchastres, inutiles: & ne porte semence qui vaille: & comme est des aultres semblables, a la feuille plus large, moins dure que le masle, & ne croist en pareille haulteur.

Ie trouve que les plantes sont nommées en diverses manières.

Les aultres ont retenu le nom des regions des quelles feurent ailleurs transportées, comme pomme Medices, ce sont Poncire de Medie, en laquelle feurent premierement trouvées: pommes Punicques, ce sont Grenades, apportées de Punicie, c’est Carthage.

Aultres sont nommées par leurs vertus & operations, comme Aristolochia, qui ayde les femmes en mal d’enfant.

Par reciprocque denomination sont dictz les Fabies, des Febves: les Pisons, des Poys: les Lentules, des Lentiles: les Cicerons, des poys Chiches.

Les aultres de leurs formes: comme Trefeueil, qui a trois feueilles: Pentaphyllon, qui a cinq feueilles: Serpoullet, qui herpe contre terre: Helxine, Petasites, Myrobalans, que les Arabes appellent Béen, car ilz semblent à gland, & sont unctueux.

Ie vous iure icy par les bons motz qui sont dedans ceste bouteille là qui refraischist dedans ce bac, que le noble Pantagruel ne print oncques à la guorge si non ceulx qui sont negligens de obvier à la soif immanente.

D’elle sont les Isiacques ornez, les Pastophores revestuz, toute humaine nature couverte en première position.

Par elle sont les arcs tendus, les arbelestes bandées, les fondes faictes.

Et comme si feust herbe sacre, Verbenicque, & reverée des Manes & Lemures les corps humains mors sans elle ne sont inhumez.

Icelle herbe moyenante les substances invisibles visiblement sont arrestées, prinses detenues, & comme en prison moses.

A leur prinse & arrest sont les grosses & pesantes moles tournées agillement à insigne profict de la vie humaine.

Icelle moyenant, par la retention des flotz aërez sont les grosses Orchades, les amples Thalamèges, les fors Guallions, les Naufz Chiliandres & Myriandres de leurs stations enlevées, & poussées à l’arbitre de leurs gouverneurs.

Icelle moyenant, sont les nations, que Nature sembloit tenir absconses, impermeables, & incongneues: à nous venues, nous à elles.

Pourront envahir les regions de la Lune, entrer le territoire des signes celestes, & là prendre logis, les uns à l’Aigle d’or, les aultres au Mouton, les aultres à la Couronne, les aultres à la Herpe, les aultres au Lion d’argent: s’asseoir à table avecques nous, & nos Déesses prendre à femmes, qui sont les seulx moyens d’estre deifiez.

Et par leur récit congneut Caesar l’admirable nature de ce boys, lequel de soy ne faict feu, flambe, ne charbon: & seroit digne en ceste qualité d’estre on degré mis de vray Pantagruelion, & d’autant plus que Pantagruel d’icelluy voulut estre facitz tous les huys, portes, fenestres, goustières, larmiers, & l’ambrun de Thelème: pareillement d’icelluy feist couvrir les pouppes, prores, fougons, tillacs, coursies, & rambardes de ses carracons, navires, gualères, gualions, brigantins, fustes, & aultres vaisseaulx de son arsenac de Thalasse: ne feust que Larix en grande fournaise de feu provenent d’aultres espèces de boys, est en fin corrumpu & dissipé, comme sont les pierres en fourneau de chaulx.