es

De la racine procède une tige unicque, rond, serulacée, verd au dehors, blanchissant au dedans: concave, comme le tige de Smyrnium Olus atrum, Febves, & Gentiane: ligneux, droict, friable, crenelé quelque peu à forme de columnes legierement striées: plein de fibres, es quelles consiste toute la dignité de l’herbe, mesmement en la partie dicte Mesa, comme moyene, & celle qui est dicte Mylasea.

Et comme en plusieurs plantes sont deux sexes: masle, & femelle: ce que voyons es Lauriers, Palmes, Chesnes, Heouses, Asphodèle, Mandragore, Fougère, Agarie, Aristolochie, Cyprès, Terebinthe, Pouliot, Paeone, & aultres: aussi en ceste herbe y a masle, qui ne porte fleur aulcune, mais abonde en semence: & femelle, qui foisonne en petites fleurs, blanchastres, inutiles: & ne porte semence qui vaille: & comme est des aultres semblables, a la feuille plus large, moins dure que le masle, & ne croist en pareille haulteur.

Puys au Soleil le seicher: puys à l’umbre le excorticquer, & separer les fibres (es quelles, comme avons dict, consiste tout son pris & valeur) de la partie ligneuse, laquelle est inutile, fors qu’à faire flambe lumineuse, allumer le feu, & pour l’esbat des petitz enfans enfler les vessies de porc.

Et tant a esté iadis estimée ceste praerogative de imposer son nom aux herbes inventées, que comme feut controverse meue entre Neptune & Pallas de qui prendroit nom la terre par eulx deux ensemblement trouvée: qui depuys feut Athènes dicte, de Athène c’est à dire Minerve: pareillement Lyncus roy de Scythie se mist en effort de occire en trahison le ieune Triptolème envoyé par Cerès pour es hommes monstrer le froment lors encores incongneu: affin que par la mort d’icelluy il imposast son nom, & feust en honneur & gloire immortelle dict inventeur de ce grain tant utile & necessaire à la vie humaine.

& en feut prinse la mesure aisement: veu qu’il nasquit on temps de alteration, lors qu’on cueille ladicte herbe, & que le chien de Icarus par les aboys qu’il faict au Soleil, rend tout le monde Troglodyte, & constrainct habiter es caves & lieux subterrains.

Dont feut dict Larignum le chasteau en Piedmont: lequel trompa Iule Caesar venent es Gaules.

Iule Caesar avoit faict commendement à tous les manens & habitans des Alpes & Piedmont, qu’ilz eussent à porter vivres & munitions es estappes dressées sus la voie militaire, pour son oust passant oultre.

Le feu mis es fagotz, la flamme feut si grande & si haulte, qu’elle couvrit tout le chasteau.

Puys si chez vous peut croistre, en bonne estrène, Graces rendez es cieulx un million: Et affermez de France heureux le règne, On quel provient Pantagruelion.