a

L’herbe Pantagruelion a racine petite, durette, rondelette, finante en poincte obtuse, blanche, a peu de fillamens, & ne profonde en terre plus d’une coubtée.

Les feueilles a longues trois foys plus que larges, verdes tous iours: asprettes, comme l’Orcanete: durettes, incisées au tour comme une faulcille & comme la Betoine: finissantes en poinctes de Sariffe Macedonicque, & comme une lancette dont usent les Chirurgiens.

Tant l’a cherie nature, qu’elle l’a douée en ses feueilles de ces deux nombres impars tant divins & mysterieux.

Et comme en plusieurs plantes sont deux sexes: masle, & femelle: ce que voyons es Lauriers, Palmes, Chesnes, Heouses, Asphodèle, Mandragore, Fougère, Agarie, Aristolochie, Cyprès, Terebinthe, Pouliot, Paeone, & aultres: aussi en ceste herbe y a masle, qui ne porte fleur aulcune, mais abonde en semence: & femelle, qui foisonne en petites fleurs, blanchastres, inutiles: & ne porte semence qui vaille: & comme est des aultres semblables, a la feuille plus large, moins dure que le masle, & ne croist en pareille haulteur.

Et tant a esté iadis estimée ceste praerogative de imposer son nom aux herbes inventées, que comme feut controverse meue entre Neptune & Pallas de qui prendroit nom la terre par eulx deux ensemblement trouvée: qui depuys feut Athènes dicte, de Athène c’est à dire Minerve: pareillement Lyncus roy de Scythie se mist en effort de occire en trahison le ieune Triptolème envoyé par Cerès pour es hommes monstrer le froment lors encores incongneu: affin que par la mort d’icelluy il imposast son nom, & feust en honneur & gloire immortelle dict inventeur de ce grain tant utile & necessaire à la vie humaine.

Les aultres par les admirables qualitez qu’on a veu en elles, comme Heliotrope, c’est Soulcil, qui suyt le Soleil.

Les aultres de leurs formes: comme Trefeueil, qui a trois feueilles: Pentaphyllon, qui a cinq feueilles: Serpoullet, qui herpe contre terre: Helxine, Petasites, Myrobalans, que les Arabes appellent Béen, car ilz semblent à gland, & sont unctueux.

Et m’esbahys comment l’invention de tel usaige a esté par tant de siècles cela aux antiques Philosophes, veue l’utilité impréciable qui en provient: veu le labeur intolerable, que sans elle ilz supportoient en leurs pistrines.

Taprobrana a veu Lappia: Iava a veu les mons Riphées: Phebol voyra Thelème: Les Islandoys & Engronelands boyront Euphrates.

Par elle Boreas a veu le manoir de Auster: Eurus a visité Zphire.

Pantagruel nous a mis en pensement nouveau & tedieux, plus que oncques ne feirent les Aloides, par l’usaige & vertus de son herbe.

Galen l’avoit long temps a confermé & demonstré li. 3. de temperamentis & le maintient Dioscorides lib. 2.